Aðalstræti, Akureyri

  • Tegund:
    Hæð
  • Stærð:
    166
  • Fasteignamat:
    22.800.000
  • Brunabótamat:
    34.050.000
  • Áhvílandi:
    0
  • Herbergi:
    5
  • Svefnherbergi:
    4
  • Baðherbergi:
    2
  • Stofur:
    2
  • Þvottahús:
  • Bílskúr:
    nei

Verð: 37.900.000 kr

Aðalstræti, Akureyri

Einkasala: Aðalstræti 10.
Miðlun fasteignir 412-1600 kynnir 166,7fm. sérlega fallega íbúð í húsinu Berlín í gamla Innbænum á Akureyri.  Um er að ræða sögufrægt og sérlega vel við haldið tvíbýlishús sem bræðurnir Sigvaldi og Jóhannes Þorsteinssynir reistu árið 1902 undir verslunarrekstur. 

Eignin skiptist í sérinngang, forstofu, eldhús, gang/hol, þrjú svefnherbergi, baðherbergi, tvær samliggjandi stofur og sameiginlegan aukainngang með efri hæð. 
Kjallari er 47,8fm af heildarstærð eignar og skiptist í eftirfarandi rými:  Gangur/hol, geymslur, gestasnyrting og stórt herbergi, sameiginlegur gangur með inngangi og sameiginlegt þvottahús. Gangur í sameign er nýttur sem hjólageymsla.


Nánari lýsing:  gengið er inn um sérinngang vestan megin á húsinu inn í forstofu með panelklæddum veggjum og pússuðum gólfborðum.  Eldhús er sérlega rúmgott með góðri lofthæð, bakaraofn í vinnuhæð og helluborð. Vönduð eldri innrétting gefur rýminu fallegan svip, sem og skorsteinn sem hlaðinn er úr múrsteinum.  Öll hæðin er með upprunalegum gólfborðum sem hafa verið pússuð upp.  Baðherbergi er með baðkari með sturtuaðstöðu, viðarinnréttingu og á veggjum eru viðarþiljur en flísaþiljur á votsvæði við baðkar.  Hol er með fallegum gólfborðum.  Hjónaherbergi er rúmgott, með fataskáp og gólfborðum á gólfi.  Bæði svefnherbergin eru með innfelldum fataskáp.  Stofur eru tvær samliggjandi í austurenda hússins, með tvöfaldri rennihurð á milli í gömlum stíl.  Í loftum er búið að endurnýja pappa að hluta með gamalli aðferð og nýtur lofthæð í íbúðinni sín sérlega vel. Nokkrar rósettur eru í loftum og skrautlistar í kverkum.
Kjallari:
Gengið er niður upprunalegan stiga niður í kjallara úr forstofu.  Gangur/ hol er með fataskáp og teppum á gólfi.  Gestasnyrting er með flísum á gólfi, marmaramósaíkflísum á veggjum að hluta, vegghengdu salerni og vaski.  Stórt herbergi með tveimur gluggum og teppum á gólfi er í austurenda hússins. Þar hefur verið klætt með gipsi uppá milli fallegra loftbita og sett innfelld lýsing.  Hurð út úr herberginu opnast inn á sameiginlegan gang með útihurð á austurgafli hússins sem býður uppá möguleika á útleigu í kjallara.  Rúmgott sameiginlegt þvottahús er í vesturenda kjallara. 
Húsið, sem virðist vera sérlega vel byggt í upphafi og hefur fengið gott viðhald í gegnum tíðina. Nánast öllum endurbótum á húsinu í seinni tíð hefur verið sinnt af viðurkenndum fagmönnum og hefur þess verið gætt að viðhalda upprunalegu útliti þess. Nýlega var skipt um þak á því, nánast allar lagnir hafa verið endurnýjaðar, steypt ný gólf í kjallara, settir sérsmíðaðir gluggar þar sem upprunalegu útliti hafði verið breytt.  Sameiginlegur inngangur er með efri hæð sunnan megin á húsinu aðallega notaður af efri hæð.  Smíðuð hefur verið sameiginleg verönd vestan og sunnan við húsi .
Lofthæð á efri hæð er sérlega góð, sem gerir íbúðina bjarta og skemmtilega, en ekki er full lofthæð í kjallara hússins.  Nánari upplýsingar eru veittar á skrifstofu 412-1600 eða midlun@midlunfasteignir.is      









 




Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd Mynd